د اسلامي شریعت د حاکمیت لپاره

د اسلامي شريعت د حاکميت لپاره به څوک قرباني ورکوي؟
څومره مهمه موضوع ده، په اوسني وخت کې ډېر مهم سوال دی چې د وخت ځوانانو ته متوجه دی، هغه ځوانان چې د ځان لپاره دين په خپله خوښه اختياروي، په کوم کار کې يې چې ګټه وي که د شريعت خلاف هم وي، يوه نه يوه لار ورته پيدا کوي، خو کوم اعمال چې په اوسني وخت کې د شريعت غوښتنې خو د عمل په ډګر کې يې ډېر کم خلک ليدل کېږي، د افسوس ځای دی چې زموږ ځوانان په پردي سياست، اقتصاد او کلتور غولېدلي دي، سره له دې چې د وخت ټولو غوښتنو ته ځواب وايي او ټول مشکلات په ډېر حکمت سره حلوي.
ډېری ځوانان نن ګورو چې په جوماتو کې په صفونو کې ولاړ وي او د جمعې لمونځ نه قضا کوي خو دې ته يې فکر دی، چې زه د کوم نظام تر سيوري لاندې ژوند کوم ايا ماته د دې نظام تر سيوري لاندې ژوند روا ده او که نه؟
ايا اسلام يواځې د جمعې په لمونځو کې ده او که اسلام سیاسي نظام ته هم ضرورت لري؟ ځوانه نن اسلامي امت محکوم ده مظلوم ده او د هغوی د نجات او سرلوړي لپاره نه ستړې کېدونکې مبارزې ته ضرورت ده، بايد په اسلام کې پوره پوره ځانونه داخل کړو هسې نه چې څو اسانه فرايض ټينګ ونيسو او نورو ته شا کړو الله جل جلاله فرمايي: (يَا أَيُّهَا الَّذِينَ آَمَنُوا ادْخُلُوا فِي السِّلْمِ كَافَّةً).
ژباړه: اې مؤمنانو! په اسلام کې پوره-پوره داخل شئ.
سیف الله شرافت