رواية أنا وأنت يُساوي

تركته ندى يسبح في أفكاره، هل ما فعله صواب أم خطاً؟.. إنه لا يستطيع نسيان ما حدث منذ خمس سنوات تقريبا، بالتحديد في ليلة زفافهما، فقط يتناسى ما حدث مراعاة لولده ولأبويها الموجودين معهما في نفس المنزل.. لا يستطيع إعطاءها أمل بأن تعود علاقتهما طبيعية بعد ما حدث لا الآن أو لاحقا.. أيقظ نفسه من أوهامه.
- ليه كل دا وهي هتفتكر إني عايز أصلح علاقتنا لمجرد إني قولتلها نصلي سواء ؟ .. لا لا أنا أكيد سرحت أوي .. خليني أتوضى وأصلي لأحسن سي سيف يجي دلوقتي ويعلقلي المشنقة هههههه
وضعت الملف فوق المكتب أمام مديره ثم تراجعت عدة خطوات إلى الخلف في أدب، تضم كفيها سويا أمام بطنها.
أمسك الملف وقلبه بين كفيه، أصدر أوامره إليها بعد هنية دون أن يرفع نظره إليها: بعد ما أمضيه تاخديه تودي لأستاذ سعيد وتتأكدي إن السلف وصله هو شخصيا، يدا بيد، مش أي حد ياخده يا سهيلة .. الملف دا مهم
أومأت تتناول الملف من يده: حاضر يا أستاذ أحمد .. أي اوامر تانية ؟
أشاح بكفه في وجهها وقد ركز انتباهه على شاشة الحاسوب يقلب صفحاته، أضافت قبل أن تغلق الباب خلفها: ياريت حضرتك تلبس النضارة عشان ما يجلكش صداع زي كل مرة
مد يده إلى آخر مكان ترك فيه نظاراته الطبية. وضعها فوق آنفه وبصره معلق بالشاشة، فور سماعه صوت إغلاق الباب خلفها بعدما تأكدت من فعل ما تطلبته، رفع بصره شاخصا في أفق آخر وقد ضاقت عيونه غارقة في تفكير يبعد عن مكان وجوده ألاف الأميال.
بعد الانتهاء من صلاة الفجر وعودة سيف للنوم، التفتت ندى إلى آدم قائلة: تحب أحضرلك إيه ع الفطار؟
أجابها دون النظر إليها وهو يبحث عن شئ برتديه للذهاب إلى العمل: لا ما تتعبيش نفسك
استفسرت: يعني أحضر أي حاجه ؟ مالكت نفس لحاجه معينة؟
هز رأسه رافضالا ماليش نفس أفطر أصلا.. أنا هأليس وأنزل على طول.. ورايا كشوفات كتير قبل العمليات
في محاولة لتخفي خيبة أملها: أنا مش عارفه أنت طلعت دكتور ليه؟ وكمان دكتور قلب .. أنا لما بأشوف الدم بأحس إنه هيغمى عليا؛ فما بالك بقى لو شوفت قلب ههههه
رد ببرود: بس مش إنتي اللي بتشوفي القلب دا .. أنا اللي بأشوفه
شعرت بالحرج الشديد من طريقة كلامه معها، توجهت إليه قائلة: طب أوعى كدا أنا هأجهزلك هدومك .. بدل ما أنت واقف بقالك ساعة وما طلعتش حاجه .. ولا عايز تتأخر عن شوفت القلب
ودون سابق إنذار تلامست أيديهما فوق أحد القمصان، سحبها بسرعة كأنه لمس قطعة من الجمر المتقد، قال متعجلا: طيب .. أنا هاروح استحمى عقبال ما تطلعي الهدوم
دخل الحمام وقد أغلق الباب خلفه سائدا ظهره إليه، يلتقط أنفاسه فهو بالرغم من معاملته الجافة لها وابتعاده عنها إلا أنه يُكن لها الحب ويتوتر من قربها؛ هي ما تزال حبه الأول والأوحد.


كلمات دلالية

روايات
روايات حب ورومناسية
الثقة بالنفس
أحاسيس إيجابية
تخلص من الحزن
تخلص من الاكتئاب
كن إيجابيا
كن متفائلا
كن سعيدا
كلمات محفزة
كلمات مشجعة
ارفع معنوياتك
روايات عربية
روايات عالمية
روايات مشوقة
روايات العشق
روايات الحزن والفراق
روايات السعادة والفرح
روايات مترجمة
كتب
تعليم
أقوال وحكم
معلومات
عبارات
كلمات تحفيزية
histoire
romantique
amour
roman
love
book
blague
citation
proverbe
livre