رواية الزوجة المفقودة

رغم روعة القصة والفكرة المبنية عليها إلا إن الرواية تقييمها بالنسبالي لا يزيد عن 3 نجوم
عشان الأسلوب كان ممل في أجزاء كتير من الرواية
أحيانا ببقى عارف ايه اللي هيحصل بس مضطر إني أقرا كل التفاصيل اللي هتؤدي للحدث
دة منتشر في كتير من روايات الأدب الأمريكي، الشرح الزائد للكثير مما يحيط بالمشهد والحوارات الكتير، البعض يفضل هذا الأسلوب أما أنا فلا

الرواية بتحكي عن اتنين متجوزين، الإتنين بيفقدوا عملهم في نيويورك وبينتقلوا للعيش في قرية تعتبر في الريف الأمريكي، غير نيويورك تماما، وهي مسقط رأس الزوج
فجأة بدون أي مقدمات الزوجة بتختفي، وجميع الشكوك بتذهب ناحية الزوج، أولا عشان مذكرات الزوجة اللي لاقوها وكانت بتتكلم على إن العلاقة بينهم مش كويسة، وثانيا عشان اكتشافهم إن الزوج كان في علاقة عاطفية مع واحدة من طلابو

هتفضل الرواية على الوتيرة دي لحد ما تحصل مفاجأة غير متوقعة بعد المنتصف بقليل هتقلب كل الموازين