Hap-pas-Hapi

Hap-pas-Hapi është një projekt kërkimor vullnetar për një program mbështetës i bazuar në internet dhe smartphone për ngarkesë emocionale dhe stres.
Ne e kemi zhvilluar këtë program për njerëzit në të gjithë botën që përballen me emocione të vështira.
Qëllimi i hulumtimit tonë është të zbulojmë nëse Hap-pas-Hapi funksionon. Ne gjithashtu dëshirojmë ta përmirësojmë programin duke u bazuar në reagimet nga pjesëmarrësit e studimit.
Për këtë qëllim, ne ofrojmë aplikacionin si pjesë e studimeve shkencore në vende të ndryshme.
Ky version është zhvilluar për shqiptarët të cilët jetojnë në vende të ndryshme të Evropës Perëndimore. Projekti është duke u realizuar në bashkëpunim të Universitetit të Cyrihut dhe Universitetit të Berlinit (Freie Universität Berlin).
Nëse jeni mbi 18 vjeç, flisni gjuhën shqipe, dhe jeni duke përjetuar emocione të vështira, stres ose gjendje të mërzisë, atëherë ju ftojmë të merrni pjesë në këtë studim.
Për më shumë informacion në lidhje me studimin Hap-pas-Hapi në vendin tuaj, ju lutemi shkarkoni aplikacionin ose zgjidhni "Regjistrohuni" në faqen e internetit të Hap-pas-Hapi.

E rëndësishme:
Ky aplikacion nuk ka për qëllim të jetë një zëvendësim për trajtim ose ndonjë lloj ndërhyrje mjekësore.
Ky program është përkthyer dhe përshtatur me lejen e programit “Step-by-Step” të Organizatës Botërore të Shëndetësisë (WHO) © 2018.

Mbështetje financiare:
Ky studim është financuar nga Fondacioni Zvicërran i Shkencave Kombëtare (SNSF, numri i projektit: 10001C_169780.2) dhe Fondacioni Zviceran për Promovimin e Psikiatrisë dhe Psikoterapisë. Kemi marrë gjithashtu fonde nga Universiteti i Berlinit (Freie Universität Berlin) dhe Universiteti i Cyrihut për të ndërtuar një partneritet strategjik.