my coffee points

my coffee points
هو تطبيق بقدملك خدمة الجرد اليومي، والتطبيق بيعمل كالتالي:
1- ادارة المخزون: بتدخل اسم الصنف والكمية والسعر والتطبيق بشكل تلقائي بيحسب قيمة البضاعة الموجودة عندك ، وفي حال زدت كمية أي صنف بتلاقي خانة خاصة لتضيف الكمية ، واذا كنت مخربط بأي مدخل ممكن تعدل عليه او بدك تحذف أي صنف بتحذفه بكل سهولة .
2-الجرد اليومي : في لكل يوم صفحة بتاريخ اليوم لتدخل فيه معلومات هاليوم، وهالمعلومات بتكون اسم الموظف لهاليوم والسلفة للموظف، وبتضيف المصاريف الزايدة للقهوة ، و في حال كنت بتبيع بالدين بتقدر تحط مجموع الديون لهاليوم + الديون المسددة من الزباين ، وبتعمل انهاء للجرد والتطبيق بيحسب كم باقي بالصندوق
3-في حال كان اخر الشهر في خطأ بالحساب بتقدر ترجع لكل الأيام بتواريخها وبتلاقيها محفوظة بالتفاصيل يلي انت دخلتها
4-العروض الخاصة هي عروض راح تنزل على التطبيق لشراء أي صنف بسعر أقل وبطريقة أسهل وأسرع

لفتح الحساب لأول مرة بكون من خلال فتح حساب وبتعبي طلب التفعيل باسمك واسم القهوة .. الخ ودفع قيمة التطبيق لمرة واحده ، وبعد هيك بتقدر تدخل على حسابك من خلال اسمك وكلمة المرور، والحساب لا يمكن فتحه الا على جهاز واحد، وفي حال وجود ملاحظات او خلل في التطبيق بتدخل على طلب المساعدة وبتحط رقم تلفونك والمشكلة يلي واجهتك