Strætó (beta)

Með Strætó-appinu getur þú nálgast rauntímaupplýsingar um staðsetningu strætisvagna á aðgengilegan máta. Á sama tíma getur þú séð nákvæmlega hvaða leið vagnarnir eru að fara, auk þess að hafa yfirlit yfir allar stoppistöðvar og fleira.

Þetta er beta-útgáfa af appinu en okkur finnst þó notagildi þess eins og það er í dag ótvírætt. Við munum halda ótrauðir áfram að þróa appið og því eru allar ábendingar um nýja virkni og lagfæringar vel þegnar (til dæmis með athugasemd hér á markaðinum eða með pósti á okkur, netfangið má finna hér að neðan).

Appið inniheldur á þessum tímapunkti allar strætóleiðir og stoppistöðvar á höfuðborgarsvæðinu.

Athugið að Strætó-appið tengist ekki á neinn hátt Strætó bs. nema að rauntímaupplýsingar um staðsetningu strætisvagna eru fengnar frá vefþjónustu fyrirtækisins og því getum við ekki borið ábyrgð á þeim gögnum.

Athugið einnig að appið sækir gögn yfir netið, t.d. upplýsingar um rauntímastaðsetningu strætisvagna, kort og upplýsingar um nýjar/uppfærðar leiðir.